ქვეყანაში განვითარებული მოვლენებიდან გამომდინარე გვინდა გაცნობოთ:

სკოლა -ლიცეუმი „მწიგნობართუხუცესი“ ყოველთვის ამაყობდა თავისი მოსწავლეებით და მათი მშობლებით. ყოველთვის ვგრძნობდით მათ სიყვარულსა და თანადგომას სკოლის მიმართ.

სწორედ ამის გამო, მიუხედავად ინფლაციური პროცესებით გამოწვეულ ეკონომიური სირთულეებისა წლების მანძილზე არ ვცვლიდით გადასახადს. ამჟამად კი  საჭიროდ მიგვაჩნია გადავხედოთ ჩვენს მდგომარეობას და შევამციროთ გადასახადი ჩვენი შესაძლებლობის ფარგლებში (კვების თანხა).

გვინდა უდიდესი მადლიერება გამოვხატოთ იმ მშობლების მიმართ, ვინც  თავისი შესაძლებლობიდან გამომდინარე სკოლას გვერდში უდგას:

• სასწავლო წლის ბოლომდე შემოაქვთ გადასახადი;
• ზოგიერთი მომავალი სასწავლო წლის გადასახადსაც იხდის.

რაც სკოლისათვის ფასდაუდებელი დახმარებაა. გვყავს ისეთი მშობლებიც რომელთა  ბიზნესი საერთოდ გაჩერდა. ასეთი მშობლების საყურადღებოდ აღვნიშნავთ, ჩვენ მათ გვერდში დავუდგებით და გადაუვადებთ გადასახადს.

როგორც ადრე მოგახსენეთ მიუხედავათ განხორციელებული დისტანციური სწავლებისა, რომელიც საკმაოდ რთულია მოსწავლეებისთვის, მასწავლებლებისთვის და მშობლებისთვისაც, ყველა გაცდენილი მეცადინეობა, ყველა საგანში ჩვენს მიერ იქნება აღდგენილი ისე, რომ ბავშვის ცოდნასა და განვითარებაზე  მიმდინარე მოვლენებმა გავლენა ვერ მოახდინოს.

გთხოვთ,  იყავით მშვიდად, ყველაზე ძვირფასი ყველა ადამიანისთვის სიცოცხლე და ჯანმრთელობაა. გვინდა იცოდეთ, რომ თქვენს გვერდით ვართ და გვიყვარხართ.

პატივისცემით,

სკოლის დირექცია