2015 წ. 18-23 ნოემბერს ბელორუსიის დედაქალაქ მინსკში მიმდინარეობდა საერთაშორისო პედაგოგიური კლუბის წევრი ქვეყნების შეხვედრა. შეხვედრის ფორმატით გათვალისწინებული იყო შემდეგი ღონისძიებები:

• საერთაშორისო პედაგოგიური კონფერენცია – კლასიკოსი მწერლების სწავლება სკოლაში და პედაგოგიური პრობლემები;
• პედაგოგიური ოსტატობის საერთაშორისო კონკურსი – „ბროლის სამელნე“;
• მრგვალი მაგიდა – საერთაშორისო თანამშრომლობის პერსპექტივები;
• საერთაშორისო ახალგაზრდული ფორუმი – ნიჭიერი მოზარდების ურთიერთქმედება ინტერკულტურულ სამყაროში;
• საერთაშორისო ახალგაზრდული ფესტივალი.

შეხვედრაში მონაწილეობდნენ ბელორუსიის, უკრაინის, რუსეთის, ლატვიის, ლიტვის, იტალიის, სერბეთისა და საქართველოს წარმომადგენლები.

საქართველოს წარმოადგენდა სკოლა-ლიცეუმ „მწიგნობართუხუცესის“ დელეგაცია შემდეგი შემადგენლობით:

დავით კახნიაშვილი – სკოლა-ლიცეუმის დირექტორი;

ზურაბ ჯორჯიკია – სკოლა-ლიცეუმის აღმასრულებელი დირექტორი;

იზაბელა იოსელიანი – სკოლა-ლიცეუმის განათლების ხარისხის მართვის მენეჯერი;

თამარ ფოცხიშვილი – სკოლა-ლიცეუმის ცეკვის პედაგოგი, ცეკვის ანსამბლ „ჭყონდიდელის“ ხელმძღვანელი;

სკოლა-ლიცეუმის ცეკვის ანსამბლის წევრები, საშუალო საფეხურის მოსწავლეები –

მარი მეფარიშვილი

ანუცი თევდორაშვილი

ნიკიტა ტიმოშენკო

ლადო მჭედლიძე

სკოლა-ლიცეუმის დელეგაციამ აქტიური მონაწილეობა მიიღო აღნიშნულ ღონისძიებებში.

დელეგაციის წევრები გაეცნენ ქ.მინსკის საგანმანათლებლო სისტემას, რაიონული საგანმანათლებლო სტრუქტურების მუშაობის სპეციფიკას. დაათვალიერეს სასწავლო-აღმზრდელობითი დაწესებულებები – გაეცნენ 61-ე, 121-ე საშუალო სკოლების,  მე-11 გიმნაზიისა  და 31-ე სასწავლო პედაგოგიური კომპლექსის საბავშვო ბაღი – დაწყებითი სკოლა  საგანმანათლებლო პროგრამებს, შეხვდნენ პედაგოგიურ კოლექტივებს, დაათვალიერეს მოსწავლეთა შემოქმედებითი გამოფენები.

საერთაშორისო პედაგოგიური კონკურსის ფარგლებში იზაბელა იოსელიანმა გაკვეთილი ჩაატარა ქ.მინსკის 61-ე საშუალო სკოლაში.  კონკურსის ჟიურის გადაწყვეტილებით, მას მიენიჭა მეორე ადგილი. კონკურსში გამარჯვებული დაჯილდოვდა დიპლომით, მას გადაეცა კონკურსის სიმბოლო – „ბროლის სამელნე ვერცხლის კალმით“ და პორტატული პერსონალური კომპიუტერი.

მრგვალი მაგიდის ფორმატში ჩატარებულ შეხვედრაზე პედაგოგიური კლუბის წევრები შეთანხმდნენ, პერსპექტიული თანამშრომლობის თვალსაზრისით, შეიმუშავონ ერთობლივი სამეცნიერო-კვლევითი პროექტები, გამოცდილების გაზიარების მიზნით, დაგეგმონ კონფერენციებისა და პრაქტიკული სემინარების მოწყობა;  საერთაშორისო საგანმანათლებლო გაცვლითი პროგრამების შემუშავება,   ბავშვებისა და ახალგაზრდებისათვის საგანმანათლებლო ბანაკების ორგანიზება;

საერთაშორისო ახალგაზრდულ ფესტივალში  მონაწილეობისთვის  სკოლა-ლიცეუმის  ცეკვის ანსამბლის წევრები დაჯილდოვდნენ დიპლომებით.