2002-2003 წლებში დაბადებულ ბავშვებს შორის ჩატარდა საქართველოს ჩემპიონატი წყალბურთში.

შეჯიბრში მონაწილეობას იღებდა 10 საუკეთესო კლუბი: ქ.ბათუმი, ქ.ქუთაისი, ქ.რუსთავი, ქ.საჩხერე და ქ.თბილისის ექვსი კლუბი – „ივერია“, „თბილისი“, „დიღომი“, „არენა“, „აკადემია“ და „ლისი“.

ამ ტურნირში მონაწილეობდნენ 2004-2005 წლებში დაბადებული სკოლა-ლიცეუმ „მწიგნობართუხუცესის“ კლუბი „ლისის“ მოსწავლეები. მათმა მონდომებამ და კარგმა თამაშმა აღაფრთოვანა დამსწრე საზოგადოება და წყალბურთის სპეციალისტები. საქართველოს საწყლოსნო ეროვნული ფედერაციის პრეზიდენტმა ბატონმა დავით რურუამ წყალბურთის კლუბი „ლისი“ დააჯილდოვა თასით და დაასახელა 2015 წლის აღმოჩენად.

ვუსურვებ დიდ წარმატებებს მომავალ ტურნირებში სკოლა-ლიცეუმის დირექტორს ბატონ დავით კახნიაშვილს, წყალბურთის მწვრთნელს მამუკა ნიაზაშვილს მაღალი მწვერვალების დასაპყრობად.

 საქართველოს საწყლოსნო ეროვნული ფედერაციის პრეზიდენტი: დავით რურუა