11 დეკემბერს “მწიგნობართუხუცესს” ქართული ენისა და ლიტერატურის მასწავლებლის, სოფო ქობულაძის ინიციატივით, „ვეფხისტყაოსნის სამაგიდო თამაშის” ავტორი ესტუმრა. აქტივობა ჩატარდა მე-5 კლასში. 
ვეფხისტყაოსნის სამაგიდო თამაში ამერიკული “MONOPOLY”-ის პრინციპით შეიქმნა. მოთამაშეს შესაძლებლობა ეძლევა პოემის ერთ-ერთი პერსონაჟი გახდეს, დაბრკოლებები გადალახოს და თავსატეხები ამოხსნას. მოსწავლეთა მოტივაციისა და ინტერესის გაზრდის მიზნით თამაშით სწავლებას დიდი მნიშვნელობა ენიჭება. აღსანიშნავია, რომ მოსწავლეები დიდი ინტერესით ჩაერთნენ საგაკვეთილო პროცესში. თამაშის ავტორმა სკოლასა და მოსწავლეებს ვეფხისტყაოსნის სამაგიდო თამაში გადასცა.