მიღწევები და წარმატებები

ჩვენ შესახებ

პრიორეტული მიმართულებები

2008 წლის ომის შემდეგ სოფელ ზემო ნიქოზის სკოლის შენობას ნატყვიარები მოუშუშებელ ჭრილობად აჩნია. ჩვენი შვილების, ჩვენი მოსწავლეების თანატოლი ბავშვები ყოველდღე შედიან ამ დაცხრილულ შენობაში, სკოლა რომ ჰქვია. როცა სკოლის მდგომარეობა ვნახეთ,  სკოლა-ლიცეუმ „მწიგნობართუხუცესის“ პედაგოგებმა, მოსწავლეებმა და მათმა მშობლებმა გადავწყვიტეთ საკუთარი ხარჯით მოგვეხდინა სკოლის ფასადის სრული რეაბილიტაცია.

01

სასწავლო სააღმზრდელო მიმართულება

02

ხელოვნებისა და სპორტის მიმართულება

03

საერთაშორისო საგანმანათლებლო მიმართულება

ანსამბლი „ჭყონდიდელი“ საერთაშორისო ფესტივალზე იტალიაში

სკოლა ლიცეუმ „მწიგნობართუხუცესის“ ანსამბლი „ჭყონდიდელი“ იტალიის ქალაქ რიმინში საერთაშორისო ფესტივალზე წარმატებით წარსდგა საქართველოს სახელით!!!

ანსამბლი „ჭყონდიდელი“ დიპლომითა და მთავარი პრიზით დაჯილდოვდა.

communication is key

სასწავლო სააღმზრდელო მიმართულება

ბავშვები მშვიდობისათვის

სკოლა-ლიცეუმ „მწიგნობართუხუცესის“ XI კლასის მოსწავლეები სალომე სანიკიძე და ნიტა სალაძე მონაწილეობდნენ პროექტში „ბავშვები მშვიდობისათვის“. პროექტის მხარდამჭერები და თანაორგანიზატორები არიან არასამთავრობო ორგანიზაციები IMTD Georgia, ICCN, PMMG და მაჰათმა განდის საერთაშორისო ფონდი.
ჟიურიმ გამარჯვებულად გამოაცხადა ჩვენი სკოლის XI კლასის მოსწავლე – სალომე სანიკიძე.

ნორჩ მეცნიერთა და გამომგონებელთა მეცხრე საერთაშორისო ოლიმპიადა

თბილისში ნორჩ მეცნიერთა და გამომგონებელთა მეცხრე საერთაშორისო ოლიმპიადა – IYIPO 2015 გაიმართა. ოლიმპიადაში 100-ზე მეტი პროექტი და 300-მდე გამომგონებელი იქნა წარმოდგენილი. მათ შორის იყო ჩვენი სკოლის მე-10 კლასის მოსწავლე გიორგი ბუთბაია, რომელმაც ინფორმაციული ტექნოლოგიების დარგში მე-2 ადგილი დაიკავა და დაჯილდოვდა ვერცხლის მედლით.
მისი პროექტის დასახელებაა: სახის ემოციის ამოცნობა C++/CLI-ზე.

„სახალისოდან შემეცნებისკენ“

2015 წლის დეკემბერში საგანმანათლებლო ორგანიზაცია „ნიუ პრაიმის“ ორგანიზებით ჩატარდა სასკოლო მათემატიკური გუნდური პაექრობა „სახალისოდან შემეცნებისკენ“, რომელშიც მონაწილეობდა სკოლა-ლიცეუმ „მწიგნობართუხუცესის“ მე-7 კლასისგან შექმნილი გუნდი.
ჩვენმა გუნდმა სამივე ტური წარმატებით გაიარა და დამსახურებულად გაიმარჯვა. ორგანიზაცია „ნიუ პრაიმმა“ გამარჯვებული გუნდი დააჯილდოვა თასით და სიგელით.

კიდევ ერთი გამარჯვება!

მეთორმეტე კლასის მოსწავლე ნიკა კოღუაშვილმა SAT-ის გამოცდაში 1600 შესაძლებლიდან 1560 ქულა მოაგროვა და მსოფლიოს საუკეთესო უნივერსიტეტებში სწავლის უფლება მოიპოვა.

გამომგონებლები „მწიგნობართუხუცესიდან“

ნორჩ მეცნიერთა და გამომგონებელთა საერთაშორისო ოლიმპიადაზე „IYIPO 2016“ მონაწილეობა ძმებმა, გიგი და კოსტა ბუთბაიებმა მიიღეს. მათი პროექტი, სახელწოდებით ღვინის პორტატული ექსპრეს-ანალიზატორი მოლეკულურ-ვიბრაციული (რამანის) სპექტროსკოპიის გამოყენებით-ელექტრონული სომელიე. ნორჩი მეცნიერები ოქროს მედლის მფლობელნი გახდნენ.

ხელოვნებისა და სპორტის მიმართულება

ცეკვის საერთაშორისო ფესტივალი “ალეგრია”

მოსწავლეთა ქართული ცეკვის ანსამბლი “ჭყონდიდელი” იმყოფებოდა ესპანეთის ქ. კალელას საერთაშორისო ფესტივალზე “ალეგრია 2014”. ფესტივალში მონაწილეობდნენ მსოფლიოს 20-ზე მეტი ქვეყნის წარმომადგენლები. ანსამბლი დაჯილდოვდა საპატიო სიგელით.

ფოლკლორული ფესტივალი სიღნაღში

სკოლა-ლიცეუმ „მწიგნობართუხუცესის“ ქორეოგრაფიულმა ანსამბლმა „ჭყონდიდელი“ მონაწილეობა მიიღო ფესტივალში „სიღნაღის ცის ქვეშ“. ფესტივალის ორგანიზატორმა ხელოვანთა კავშირმა „არტ კლუბი“ დიპლომებით დააჯილდოვა ანსამბლის წევრები.

ცეკვის საერთაშორისო ფესტივალი “ალეგრია”

მოსწავლეთა ქართული ცეკვის ანსამბლი “ჭყონდიდელი” იმყოფებოდა ესპანეთის ქ. კალელას საერთაშორისო ფესტივალზე “ალეგრია 2014”. ფესტივალში მონაწილეობდნენ მსოფლიოს 20-ზე მეტი ქვეყნის წარმომადგენლები. ანსამბლი დაჯილდოვდა საპატიო სიგელით.

ფოლკლორული ფესტივალი სიღნაღში

სკოლა-ლიცეუმ „მწიგნობართუხუცესის“ ქორეოგრაფიულმა ანსამბლმა „ჭყონდიდელი“ მონაწილეობა მიიღო ფესტივალში „სიღნაღის ცის ქვეშ“. ფესტივალის ორგანიზატორმა ხელოვანთა კავშირმა „არტ კლუბი“ დიპლომებით დააჯილდოვა ანსამბლის წევრები.

„ოქროს ვარსკვლავი – 2015“

თბილისის არტ-ჰოლში V საერთაშორისო ფესტივალი „ოქროს ვარსკვლავი – 2015“ ჩატარდა, ფესტივალზე „მწიგნობართუხუცესის“ გოგონათა საცეკვაო ჯგუფის დებიუტი შედგა. ჟიურიმ გოგონათა ჯგუფი დიპლომითა და ოქროს ვარსკვლავით დააჯილდოვა.

საქართველოს ჩემპიონატი წყალბურთში

2002-2003 წლებში დაბადებულ ბავშვებს შორის ჩატარდა საქართველოს ჩემპიონატი წყალბურთში. ამ ტურნირში მონაწილეობდნენ სკოლა-ლიცეუმ „მწიგნობართუხუცესის“ კლუბი „ლისის“ მოსწავლეები. საქართველოს საწყლოსნო ეროვნული ფედერაციის პრეზიდენტმა ბატონმა დავით რურუამ წყალბურთის კლუბი „ლისი“ დააჯილდოვა თასით და დაასახელა 2015 წლის აღმოჩენად.

ანსამბლი „ჭყონდიდელი“ საერთაშორისო ფესტივალზე იტალიაში

სკოლა ლიცეუმ „მწიგნობართუხუცესის“ ანსამბლი „ჭყონდიდელი“ იტალიის ქალაქ რიმინში საერთაშორისო ფესტივალზე წარმატებით წარსდგა საქართველოს სახელით!!! ანსამბლი „ჭყონდიდელი“ დიპლომითა და მთავარი პრიზით დაჯილდოვდა.
საერთაშორისოფესტივალი „მზიანისაქართველო“ ქ. ახალციხეში ჩატარდა საერთაშორისო ფესტივალი „მზიანი საქართველო“. ანსამბლი „ჭყონდიდელი“ ქართული საცეკვაო ფოლკლორის საუკეთესოდ წარდგენისათვის დაჯილდოვდა დიპლომით.

სასკოლო სპორტული ოლიმპიადა

თბილისის ბავშვთა და მოსწავლე ახალგაზრდობის სპორტის ფედერაციის ორგანიზებითა და ქალაქ თბილისის მერიის მუნიციპალიტეტის განათლების, სპორტისა და ახალგაზრდულ საქმეთა საქალაქო სამსახურის ფინანსური მხარდაჭერით ჩატარდა სასკოლო სპორტული ოლიმპიადა. სკოლა-ლიცეუმ „მწიგნობართუხუცესის“ კალათბურთის გოგონების გუნდმა 3×3 კალათბურთიში მეორე ადგილი დაიკავა.

„გენდერული თანასწორობა სასკოლო სპორტ სადაფიზი კურაქტივობaაში“

სკოლა-ლიცეუმ „მწიგნობართუხუცესის“ X კლასის მოსწავლეებმა მონაწილეობა მიიღეს ასოციაცია „ჰელსიჯენის“ მიერ ორგანიზებულ კონკურსში პროგრამით – „გენდერული თანასწორობა სასკოლო სპორტსა და ფიზიკურ აქტივობაში“. X კლასის მოსწავლეებმა სალომე ლოჩოშვილმა და ნინო ჯიგანიამ იმუშავეს თემაზე: „ფიზიკური აქტივობისა და სპორტის გავლენა ქალის ჯანმრთელობაზე“. წარმოდგენილი თემით კონკურსში მათ II ადგილი დაიკავეს.

საერთაშორისო საგანმანათლებლო მიმართულება

საერთაშორისო საგანმანათლებლო მიმართულება

ეკონომიკის საწარმოთა დაჯილდოების პროგრამა

2015 წელს, ნაციონალური ბიზნეს რეიტიგების კავშირის მიერ ეკონომიკის საწარმოთა დაჯილდოების პროგრამის რეიტინგის შედეგად გამოვლენილ ლიდერ საწარმოთა შორის არის შპს თბილისის ზოგადსაგანმანათლებლო სკოლა-ლიცეუმი „მწიგნობართუხუცესი“. სკოლა დაჯილდოვდა ოქროს მედლითა და ეროვნული სერტიფიკატით „დარგის ლიდერი – 2015 წ.“ ეს ჯილდო არის დარგის წარმატებულობისა და ლიდერობის სიმბოლო. გრანტი საწარმოს მართვაში მიღწეული წარმატებებისათვის, სოციალური აქტიურობისათვის, სახელმწიფოს წინაშე გახსნილობისათვის და პატიოსანი პარტნიორული ურთიერთობისთვის.

ჩვენ ვეხმარებით ზემო ნიქოზის საჯარო სკოლას

2008 წლის ომის შემდეგ სოფელ ზემო ნიქოზის სკოლის შენობას ნატყვიარები მოუშუშებელ ჭრილობად აჩნია. ჩვენი შვილების, ჩვენი მოსწავლეების თანატოლი ბავშვები ყოველდღე შედიან ამ დაცხრილულ შენობაში, სკოლა რომ ჰქვია. როცა სკოლის მდგომარეობა ვნახეთ, სკოლა-ლიცეუმ „მწიგნობართუხუცესის“ პედაგოგებმა, მოსწავლეებმა და მათმა მშობლებმა გადავწყვიტეთ საკუთარი ხარჯით მოგვეხდინა სკოლის ფასადის სრული რეაბილიტაცია.

“VIA LIGHT”-ის მეორე საერთაშორისო კონფერენცია

სკოლა-ლიცეუმ “მწიგნობართუხუცესის” დირექციის წარმომადგენლები მონაწილეობდნენ ქ.ბერლინში ჩატარებულ პედაგოგიური ასოციაცია “VIA LIGHT”-ის მეორე საერთაშორისო კონფერენციაში თემაზე : “პროექტების განვითარება 2015-2016 წლებში ევროკავშირის საგანმანათლებლო პროგრამის ფარგლებში”. კონფერენციაში მონაწილეობდნენ კერძო სასწავლო-სააღმზრდელო დაწესებულებების ხელმძღვანელები გერმანიიდან, საფრანგეთიდან, იტალიიდან, ჰოლანდიიდან, დანიიდან, ჩეხეთიდან, შვეიცარიიდან, უნგრეთიდან, ისრაელიდან და კვიპროსიდან. კონფერენციაზე განხილულ იქნა ახალი იდეები და წინადადებები ასოციაცია “VIA LIGHT”-ის განვითარებისა და საქმიანობის გაფართოების მიზნით, ასევე შემუშავდა საერთაშორისო და რეგიონალური ღონისძიებებისა და წამოწყებების განვითარების პროგრამა.

საერთაშორის პედაგოგიური კლუბის კონფერენცია ქ.მინსკში 2015 წ. 18-23 ნოემბერს

ბელორუსიის დედაქალაქ მინსკში მიმდინარეობდა საერთაშორისო პედაგოგიური კლუბის წევრი ქვეყნების შეხვედრა. შეხვედრის ფორმატით გათვალისწინებული იყო შემდეგი ღონისძიებები: საერთაშორისო პედაგოგიური კონფერენცია – კლასიკოსი მწერლების სწავლება სკოლაში და პედაგოგიური პრობლემები; პედაგოგიური ოსტატობის საერთაშორისო კონკურსი – „ბროლის სამელნე“; მრგვალი მაგიდა – საერთაშორისო თანამშრომლობის პერსპექტივები; საერთაშორისო ახალგაზრდული ფორუმი – ნიჭიერი მოზარდების ურთიერთქმედება ინტერკულტურულ სამყაროში; საერთაშორისო ახალგაზრდული ფესტივალი. შეხვედრაში მონაწილეობდნენ ბელორუსიის, უკრაინის, რუსეთის, ლატვიის, ლიტვის, იტალიის, სერბეთისა და საქართველოს წარმომადგენლები. სკოლა-ლიცეუმის დელეგაციამ აქტიური მონაწილეობა მიიღო აღნიშნულ ღონისძიებებში. დელეგაციის წევრები გაეცნენ ქ.მინსკის საგანმანათლებლო სისტემას, რაიონული საგანმანათლებლო სტრუქტურების მუშაობის სპეციფიკას. საერთაშორისო პედაგოგიური კონკურსის ფარგლებში იზაბელა იოსელიანმა გაკვეთილი ჩაატარა ქ.მინსკის 61-ე საშუალო სკოლაში. კონკურსის ჟიურის გადაწყვეტილებით, მას მიენიჭა მეორე ადგილი. კონკურსში გამარჯვებული დაჯილდოვდა დიპლომით, მას გადაეცა კონკურსის სიმბოლო – „ბროლის სამელნე ვერცხლის კალმით“ და პორტატული პერსონალური კომპიუტერი. საერთაშორისო ახალგაზრდულ ფესტივალში მონაწილეობისთვის სკოლა-ლიცეუმის ცეკვის ანსამბლის წევრები დაჯილდოვდნენ დიპლომებით.