სკოლა-ლიცეუმი “მწიგნობართუხუცესის” VII კლასი სტუმრად საქართველოს ახალგაზრდულ აკადემიასთან SEU-ში.
შეხვედრა ფსიქოლოგთან თემაზე – როგორ გამოვნახოთ საერთო ენა უფროსებთან და თანატოლებთან.
დამრიგებელი-თამარ სადაგიშვილი. ჩვენი შეხვედრა ერთერთ ყველაზე მნიშვნელოვან საკითხს ეხებოდა. ფსიქოლოგთან მეგობრული დისკუსია მშვიდ გარემოში მიმდინარეობდა, მოსწავლეებში დაინტერესება გამოიწვია შეთავაზებული თემებიდან სწორედ ამ კონკრეტულმა საკითხმა — “საერთო ენის გამონახვა”.
საუბრის პროცესში ბავშვები აქტიურად გამოხატავდნენ თავიანთ მოსაზრებებს, აზრებს და გამოცდილებებს, რაც დაეხმარათ გააცნობიერონ, თუ რამდენად მნიშვნელოვანია მოსმენა, ურთიერთპატივისცემა და შეთანხმების მიღწევა ყოველდღიურ ურთიერთობებში.
ეს შეხვედრა იყო შესაძლებლობა მოსწავლეთათვის, რომ ერთმანეთისგან განსხვავებული ხედვები გაეზიარებინათ და ფსიქოლოგთან ერთად გაეღრმავებინათ საკითხის მნიშვნელობა.
უთანხმოება ურთიერთობისას ხშირია, მაგრამ ყველაფრის გამოსწორება შესაძლებელია, თუ გულწრფელად ვეცდებით შეთანხმებას მივაღწიოთ.
ურთიერთპატივისცემა აუცილებელია
ყველანაირ ურთიერთობაში საჭირო და აუცილებელია პატივისცემა. მხოლოდ ამ გზით შევძლებთ კონფლიქტების მშვიდობიანად გადაწყვეტას და ურთიერთობების გაძლიერებას.
ურთიერთგაგება ორმხრივია
საერთო ენის გამონახვა ორივე მხარის მზადყოფნაზეა დამოკიდებული. მთავარი კი ის არის, რომ ერთმანეთს ყურადღებით მოვუსმინოთ და გულწრფელი კომუნიკაცია დავამყაროთ.
პედაგოგებისა და მშობლების როლი
ასევე მნიშვნელოვანია პედაგოგებისა და მშობლების ჩართულობა, რადგან მათი მხარდაჭერა ქმნის მოსწავლეებისთვის უსაფრთხო და განვითარებაზე ორიენტირებულ გარემოს.
