19 ნოემბერს  მეთერთმეტე კლასის მოსწავლეები ბიოლოგიის პედაგოგ თამარ ელისაშვილის ხელმძღვანელობით  ეწვივნენ  თსსუ კლინიკური უნარებისა და მულტიდისციპლინური სიმულაციის ცენტრს.

შეხვედრა დაიგეგმა პროფეესიული ორიენტაციის ფარგლებში  თსსუ კლინიკური უნარებისა და მულტიდისციპლინური სიმულაციის დეპარტამენტის  ხელმძღვანელის პროფესორ ირმა მანჯავიძესთან შეთანხმებით.

მოსწავლეებმა მოისმინეს  მინი-ლექცია  ცენტრის მნიშვნელობისა და პირველადი დახმარების ცოდნის  აუცილებლობის შესახებ.  განსაკუთრებული ინტერესი გამოიწვია  მანეკენებზე ჩატარებულმა იმიტირებულმა კვლევებმა.

 პირველადი დახმარების თეორიულ და პრაქტიკულ აქტივობებში ჩართვისთვის მადლობას ვუხდით  ცენტრის მთავარ სპეციალისტ ნანა ჯიქიძეს  და სპეციალისტ  ნათია დავლიანიძეს!