ფიზიკის, ქიმიის, ბიოლოგიისა და სხვა საბუნებისმეტყველო ტექნოლოგიური მიმართულებების პრინციპების გაცნობა-დაინტერესების მიზნით 2024 წლის 28 სექტემბერს ილიას სახელმწიფო უნივერსიტეტში მე-11 სამეცნიერო პიკნიკი გაიმართა. პიკნიკზე წარმოდგენილი იყო უნივერსიტეტის ოცამდე სამეცნიერო გუნდი და სხვა თხუთმეტი ორგანიზაცია საინტერესო პროგრამით.
ქვეყნის მაშტაბით 52 სკოლა მონაწილეობდა, მათ შორის გახლდათ ჩვენი სკოლის მერვე პირველი კლასის მოსწავლეები ბიოლოგიის მასწავლებლის -თამარ ელისაშვილის ხელმძღვანელობით.
მოსწავლეები დიდი ინტერესით ჩაერთვნენ პრაქტიკულ საქმიანობაში. გაეცნენ ტექნოლოგიური მეწარმეობისა და ინოვაციური საინჟინრო მიმართულების პროექტებს.
თანამედროვე ტექნოლოგიური მიღწევებით დაინტერესება და მდგრადი განვითარების მე-4 მიზნის მიღწევის ხელშეწყობა თავისთავად გულისხმობს მოსწავლეებში ხარისხიანი განათლების უზრუნველყოფას, იდეების პროტოტიპირებას, ლოგიკური და ინტერაქციული უნარების განვითარებას.
