2024-25 სასწავლო წლის 20 თებერვალს X3 და X4 კლასის მოსწავლეები ბიოლოგიის მასწავლებლის თამარ ელისაშვილის ორგანიზებით თავისუფალ უნივერსიტეტს ესტუმრნენ. მოსწავლეებმა მოინახულეს საბუნებისმეტყველო დარგის მუზეუმი, კამპუსის ბიბლიოთეკა, ქიმიის, ბიოლოგიის, ფიზიკის, კომპიუტერული და ელექტრო ინჟინერიის ლაბორატორიები და კულინარიის აკადემია.
აქტივობის მიზანია: მოსწავლემ აღმოაჩინოს მისი ინტერესის სფერო; შეძლოს საგანთა სწავლა-სწავლების საფუძველზე მყარი, დინამიკური და ფუნქციური ცოდნის კონსტრუირება; მოსწავლის ინტერესებისა და მიდრეკილებების გამოვლენა და განვითარების ხელშეწყობა.
ცხადია, დამოუკიდებლად სწავლისა და კვლევითი უნარების გამოვლენისთვის მხოლოდ სასკოლო სივრცე საკმარისი არ არის. გასვლითი ღონისძიების დროს მოსწავლეს ეძლევა საშუალება, თანატოლებთან ერთად გაეცნოს და იკვლიოს მისთვის საინტერესო თემები და საკითხები.
ამ ვიზიტის ფარგლებში მოსწავლეები დააკვირდნენ ცალკეულ ლაბორატორიებს და იქ მიმდინარე პროცესებს. გაეცნენ უნივერსიტეტის სხვადასხვა ფაკულტეტის დანიშნულებას და ცხოვრებაში მათი გამოყენების ასპექტები გააანალიზეს.